فصل الربيع // نور الدين الهروش // المغرب

 

جَانَا فَصْلْ الرّبيعْ فَصْلْ الجَمَال

أَبُو الفُصُولْ سِـــحْر و فُـــــنونْ

حَيَّاتُو السّــــهولْ و الجــــبالْ

الـــــطّيورْ والورودْ و العيونْ

اتْفتْـــحاتْ الزّهورْ فِي الْبساتينْ

و فاحــــتْ بأَجـــــــملْ العطورْ

حـــــتَّى الأُقْحــُوانْ و الياسمينْ

كـــانْ لا بـــــدَّ لهمْ من الظُّهورْ

لــــبْستْ الأَرضْ حُلّة خَضْرا

مــــــنْ الرّبيعْ الفَصلْ البديعْ

و اتْولدتْ أوراقْ كلْ شجره

فِي وقتْ قصــــــــيرْ و سريعْ

وغَرْداتْ الطيورْأجملْ الأغاريدْ

وابـْــــناتْ أوكارها من جديدْ

واشْــــــداتْ أعذبْ الأناشـــيدْ

فرحــانة بــقدومْ هــاذْ الــــعيدْ

الفراشاتْ تحلقْ من زَهْرَه لزهرهْ

وتــــَرْشَفْ رحـــــيقْها لحْــــلُو

من وَردة صفرا لوردة حمْرا

بِينْ اجْناحها تَاخْذُو و تحمْلو

كلْ الْكائناتْ تْحييّ هاذْ الفصلْ

و تـــقولْ بلــــسانْ واحدْ

أَهْلا وسهلا بك يا فَحــل

الكلْ في عــــرسكْ واجــدْ

يغنّي أعذبْ لحنْ و أجملْ تعبيرْ

وينْـــظَمْ أحسنْ الأَشعــــــارْ

بقلبْ منشرحْ و حبْ كبير

في جوْ مشرقْ كلُّه أَنوارْ

أنـــتَ آيـــــــة من آياتْ

الــــحُسـنْ ولــوحة رسم

و قصيدةْ جمَّـــةْ الأَبـــياتْ

وبيتْ العشاقْ و أجملْ حلمْ.