انا لميمة
بناتي وولادي
انا اليوم عليكم ك نادي
انتما قطعة من كبادي
فرحكم فرحي
وغياركم تنهادي
انا لميمة
اللي تفرش وتغطي
تحن او تعطي
ما تكول لا لا
وظهرها ليكم توطي
انا لميمة
والجنة تحت قدامي
هذا ماهو كلامي
كلام سيد سيادي
عليه صلاتي وسلامي
انا لميمة
ف كتاب الله مذكورة
سيرتي ف شحال من سورة
مانحتاج نهار ولاسنين وشهورا
ف كل قلب وعقل
لازم تنقش ذيك الصورة.
انا لميمة
ديما تجبر لخواطر
قلبها مكوي ومازال يكابر
لهم الدنيا تشوفها تساير
لتحقيق حلامها تغامر
ؤو بحياتها تخاطر
انا لميمة
مولاة القلب الكبير
تغضب ماتضر
تتالم ما تكر
ترفع كفوفها للقدير
ولولادها تتمنى كل خير
*****
*****
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.