ما عرفتش // وفاء أم حمزة // المغرب

مَاعْرَفتشْ....

وَاشْ مَازَالْ تْزَغْرتْ الشّمسْ

فْعَرسْ نْهَارٌو

وْ يَتَفْتَلْ

مَنْ شْعَاعْ النُّورْ شْمَارُو

وَاشْ مَازَالْ يتْقَطَّرْ الزْهَرْ

مَنْ شْقُوقْ السْمَا

وْ تْغَنِّي لْبَسْمَة عْلَى اوْتْارُو

وْ هَذَاكْ الراَّكَد

فْكَرشْ عَاكَْرَة

يِفِيقْ واتّسْمَعْ اشْعَارُو

يْتْخَيِّط افْتَقْ الفْرَاقْ

يشْهَقْ الخَاطَرْ

وْ تَنْبَتْ الفَرْحَة

دَالْيَة فْجْوارُو

ؤ لَحْبَقْ

اللِّي عْرُوشُو صْفَارُو

يْتَّسقَى مَنْ عْرُوقْ المْحَبَّة

يرْجَعْ مَنْ ثَانِي

تَتْوَرَّد خْدُودُو

ؤ غْصَانُو يَخْضَارُو.