طلاسيم: زجل // رشيد شرقان // المغرب

شي را وشي ما را 

وشي جا حدا للي راو وما را

شي قرا وشي ما قرأ

وشي وخا تبيع عليه دم جوفك 

ولا هو قرأ

اش هاد لوزيعة شي دبح

وشي سلخ وشي وزع الكرعات

والكرعة لكبيرة من حق داك لما حضر

..ولا تمرمد ف دم

ف هاذي عاود ثاني

نسكت ولى نهضر

نحلف ليكم بللي لقانا

صدفة بلا ميعاد

ضاع لي راس الخيط

ما بقيت فاهم

وتخبلت الشبكة على لعواد

والحوت ولى عليا مكاني

حيت متلف العدة لتصياد

اش هاذ طلطول مكواني

ف اللامة ما رسلو لي عود عركان

جيت ع وحدي خلاوني جيعان

وحتى الما لشريب لا من بيه أتاني

بركوني حدا لمجامر عماني الدخان

ما حيلتي لصهد زادوني الصوطان

تشاش لفاخر حرق لي هدماني

اش هاذ جرة شي تعشى وشي مشى

..وشي وخا بقا بات بلا عشا